Сахалартан бастакы Академик, үс төгүллээх норуодунай худуоһунньук Афанасий Николаевич Осипов төрөөбүтэ 95 сылын  көрсө

художественнай-краеведческай биктэриинэ балаһыанньата

 

“...Хайалартан үрдүк Киһи

cөҕүмэр талаана”

 

1. Биктэриинэ сыала – соруга:

Биктэриинэ сүрүн соругунан сахалартан бастакы академик, үс төгүллээх норуодунай худуоһунньук А.Н.Осипов олоҕун, айар үлэтин уонна искусствоҕа интэриэһи тардыы буолар.

2. Болдьоҕо: 2022 сыл алтынньы 27 күнүттэн сэтинньи 30 күнүгэр диэри.

3. Сүрүн ирдэбилэ:

2.1. 18 үөһэ саастаах, айар таһымыттан тутулуга суох ким баҕарар кыттар кыахтаах.

        2.2. Коллективнай эппиэттэр ылыллыбаттар диэн эрдэттэн сэрэтэбит. Ааптар толору аата, псевдонима, төрөөбүт сыла, дьарыга (идэтэ), аадырыһа, төлөппүөнэ, электроннай аадырыһа толору ыйыллыахтаах.

        2.3. Эппиэттэргитин “Мытаах музей - галерея” МБТ  muzeumytakh2014@mail.ru электроннай адреһыгар ыытаҕыт. Артур Николаевич Егоровка аадырыстаан.

        2.4. Кыайыылаахтарга, кыттааччыларга дипломнары, туоһу суруктары электроннай почтаҕытыгар ыытабыт.

2.5. Үс бастакы миэстэҕэ харчыннан биириистэр уонна дипломнар туттарыллыахтара, бары кыттыбыттарга туоһу суруктар бэриллиэхтэрэ.

 

1 миэстэ 5000 солк.

2 миэстэ 3000 солк.

3 миэстэ 2000 солк.

 

Кыайыылаахтар ааттара 2022 сыл сэтинньи 30 күнүгэр музей сайтыгар, инстаграм, телеграм страницаларыгар тахсыаҕа.

 

 

Биктэриинэ ыйытыктара:

 

1. Акдемик А.Н.Осипов бастакы учууталын аата?

2. Триптих диэн тугуй? А.Н.Осипов бастакы триптиҕын аата, хас сыллаахха уруһуйдаабытай?

3. Борго үөрэнэ сылдьан аан бастаан уруһуйдаабыт уруһуйун билэҕин дуо? Тугу уруһуйдаабытай?

4. Академик ханнык биллэр хартыыналара Москваҕа Третьяковскай галереяҕа үйэ-саас көрдөрүүгэ туралларый?

5. “Ойууну үүрүү” (Изгнания шамана) диэн дипломнай үлэтин суруйарыгар ханнык балаҕаҥҥа тиийэн этюдтары уруһуйдаабытай? Хаһан?

6. Дьиикимдэ оскуолата тутулла турарын академик ханнык хартыынатыгар оҥорбутай? Хас сыллаахха?

7. Мин академик А.Н.Осиповка аналлаах бастакы ыстатыйам аата уонна суруллубут сыла?

8. В.И Суриков аатынан художественнай институкка кимнээх айар мастарыскыайдарыгар худуоһунньук үөрэҕэр үөрэммитэй?

9. СӨ норуодунай худуоһунньугун үрдүк аатын хас сыллаахха ылбытай?

10. Академик Эргискэ баар сайылыгын аата?

11. Красноярскайдааҕы художественнай институт Дьокуускайдааҕы салаатыгар живопись кафедратын сэбиэдиссэйинэн хас сыллардаахха үлэлээбитэй?

12. А.Н.Осипов ханна төрөөбүтэй? (Төрөөбүт өтөҕүн аата. Бөтөҕөстөөх олорбут, улааппыт өтөҕө буолар).

13. Афанасий Осипов оҕо эрдэҕинээҕи тапталлаах аата.

14. Академик аан бастаан Бүтүн Россиятааҕы быыстапкаҕа ханнык үлэтинэн кыттыбытай? Хас сыллаахха?

15. Афанасий Осипов Киргизияҕа айар командировкаҕа хас сыллаахха бара сылдьыбытай?

16. Академик бэйэтин бастакы автопортретын хас сыллаахха уруһуйдаабытай?

17. Акдемик аҕата Н.Д.Осипов Хаахынайдаахха ханнык холкуоска бэрэссэдээтэлинэн үлэлээбитэй? Хас сыллаахха?

18. Академик Осипов хас сыллаахха Кыргыстан Республикатын национальнай Художестволарын Академиятын дьиҥнээх чилиэнинэн талыллыбытай?

19. Бор оскуолатыгар хас саастааҕар үөрэнэ киирбитэй? Хас сыллаахха?

20. Кыракый Афоня Эргис Көрдүгэнигэр хаһыс кылааска үөрэммитэй? Онно үөрэппит учууталын аата?

21.  Академик Дьиикимдэҕэ баар музей – галереяҕа бэлэхтээбит хартыыналарын аата (омук сиригэр уруһуйдаабыт хайалар пейзажтара).

22. Афанасий Николаевич Сиинэҕэ хас сыллардаахха сылдьыбытай? (Хаҥалас Сиинэтэ эмиэ киирэр).

23. Академик бастакы кыыһа Любовь Афанасьевна Мытаахха уолунаан хас сыллаахха кэлэ сылдьыбытай?

24. Афанасий Николаевич аан бастаан уруһуйга дьоҕурдааҕын ким бэлиэтии көрбүтэй?

25. “Айылҕа муҥура суох, кинини кытта бэл кылгастык алтыһыы киһини чэбдигирдэр уонна сэргэхситэр”. Бу ханнык улуу худуоһунньук эппит этиитэй?

26. Академик Москваҕа художественнай оскуолаҕа бииргэ үөрэммит саамай чугас табаарыһа кимий? Аатын толору суруйун.

27. Саха норуодунай суруйааччыта Суорун Омоллоон мэтириэтин аан бастаан ханна уруһуйдаабытай?

28. Академик аҕата хас сыллаахха реабилитацияламмытай?

29. “Ойууну үүрүү” хартыына композицията ханнык литературнай тиэмэҕэ олоҕуран суруллубутай?

30. Академик СӨ Бочуоттаах олохтооҕун үрдүк аатын хас сыллаахха ылбытай?

31. Кытай ханнык куораттарыгар персональнай быыстапката турбутай? Хаһан?

32. Саха Комсомуолун бириэмийэтин лауреатын үрдүк аатын ханнык хартыыналарын иһин ылбытай? Хаһан?

33. Академик Каталокка киирбит аан бастакы үлэтин билэҕин дуо? Хартыына толору аата.

34. И.С.Репин аатынан РСФСР Государственнай бириэмийэтин хаһан, ханнык хартыынатын иһин ылбытай?

35. “Речка Матта” диэн хартыынатын хас сыллаахха суруйбутай?

36. Улуус аатырбыт тимир ууһа Ылдьаа Кононовы хас сыллаахха уруһуйдаабытай?

37. А.Н.Осипов Непалга айар командировкаҕа бастаан хас сыллаахха бара сылдьыбытай?

38. Дьиикимдэҕэ бастакы кэргэнин хас сыллаахха сүгүннэрэн аҕалбытай? Кэргэнин толору аатын суруй.

39. Монголлар түҥ былыргыттан бүгүҥҥү күҥҥэ диэри  илдьэ кэлбит национальнай аһылыктарын аата?

40. Үс төгүллээх норуодунай худуоһунньук ханнык уордьаннааҕай? Хас сыллардаахха ылбытай?

41. Академик Мытаахха ханнык биллэр сирдэри этюд оҥорбутай? (Сиинэттэн ураты).  Сирдэр ааттара.

42. Академик тапталлаах кыыһа Анна Афанасьевна хас сыллаахха Россия худуоһунньуктарын сойууһун чилиэнэ буолбутай?

43. “Муҥха – праздник подледного лова карасей” диэн аатырбыт хартыынатыгар аналлаах этюдтары хас сыллаахха, ханнык күөлгэ уруһуйдаабытай?

44. А.Н.Осипов хас сыллаахха ССРС худуоһунньуктарын сойууһун чилиэнинэн талыллыбытай?

45. Биир рюкзак суухара ыһыктанан Москваҕа худуоһунньук үөрэҕэр үөрэнэ хас хонук устата айаннаан тиийбитэй?

46. “Дьэ, Афоня, Аллараа Халымаҕа айар командировкаҕа бара сылдьыах, саатар биирдэ хоту дойду диэн тугун көрүөххэ”, - диэн ким эппитэй?

47. Афанасий Осипов төрөөбүт нэһилиэгин биллиилээх дьонноруттан кимнээҕи уруһуйдаабытай? Ааттарын толору суруйаҕын.

48. Академик Италияҕа айар командировкаҕа хас сыллаахха сылдьыбытай?

49. “Хаһан да тиит төрдүгэр бииргэ олорботох дьону холбоон оҥорбуккун, талааннаах киһи дьэ итинник, ээ,” – диэн сүрдээҕин сэҥээрэн ким эппитэй?

50. Бу нуучча ханнык суруйааччытын бэргэн этиитэй: “Художник – чувствилище своей страны, своего класса, ухо, око и сердце; он голос своей эпохи”.

51. А.Н.Осипов Москваҕа үөрэнэ сылдьан ханнык биллиилээх советскай живописец, академик хартыынатыгар дьаамсык уол уобараһыгар позируйдаммытай? Хартыына аата уонна сыла наада?

52. Хас сыллаахха ССРС  норуодунай худуоһунньугун үрдүк аатын ылбытай? (күнэ,ыйа, сыла толору суруллар).

53.  Афанасий Николаевич кыра кыыһынаан Анналыын ханнык улууска ханнык хайалары баран уруһуйдаабытай? Хас сыллаахха?

54. Афанасий Осиповка туттарыллыбыт “Достойному” мэтээл суолтата уонна бу мэтээли ким олохтообутай?

55. Академик А.Н.Осипов тапталлаах кэргэттэрин ааттарын төһө билэҕиний?

56. Академик бүтэһик персональнай быыстапката Москваҕа хас сыллаахха буолбутай?

57. Афанасий Осипов Египекка хас сыллаахха сылдьан турарый?

58. “Кини пейзажтарыгар Ийэ дойдуга таптал улуу иэйиилэрэ кутуллубут курдуктар...” бу ханнык Россия биллиилээх худуоһунньугун кынаттаах тылларай?

59. “Ойууну үүрүү” хартыына хайдах суруллубутай?” диэн ыстатыйам хас сыллаахха хаһыакка тахсыбытай?

60. Мытаахха Бээкимдэ диэн сиргэ хас сыллаахха сылдьыбытай?

61. Академик Күрдьэх күппүт сайылыгар хоно – өрүү хас сыллаахха сылдьан турарый?

62. Саҥа күөлгэ баар балаҕан ким балаҕанай? Хас сыллаахха тутуллубутай?

63. Академик А.Н.Осиповка аналлаах өйдөбүнньүк дуосканы ханнык хайаҕа туруорбуттарай? Хас сыллаахха?

64. Бөтөҕөстөөххө академикка аналлаах сэргэни ким маастардаан оҥорбутай?

65. Сиинэҕэ “Песчаное” гидропост хас сыллаахха тэриллибитэй?

66. Горнайтан төрүттээх Хаххаа ойуун толору аата-суола?

67. “Акдаакы” диэн ханнык нэһилиэги ааттыылларый?

68. Академик А.Н.Осипов олоҕор, айар үлэтигэр быһаччы сыһыаннаах Мытаахха баар сирдэр ааттара (Сиинэ сирдэрэ киирбэттэр (10-тан итэҕэһэ суох сирдэр ааттарын суруйуохтааххын).

69. Афанасий Осипов Эбэҕэ кустуу сылдьан ханнык сири уруһуйдаабытай?

70. Академигы оскуолаҕа үһүс кылааска үөрэппит учууталын аатын билэҕин дуо?

71. Горнайтан Чымаадай оскуолатыгар кимнээх үөрэммиттэрэй? Ааттарын толору суруйаҕын.

72. Академик Швейцариятааҕы серията хас хартыынаттан турарый?

73. “Асфальтит” диэн ааттаах минералы Сиинэттэн ханнык саха геолога аан бастаан булан турарый?

74. Софрон Данилов бастакы учууталын аата?

75. Улуу Кытай чүөмпэ өйдөөхтөрө аан дойдуга биир бастакынан тугу айбыттарай, компастан саҕалаан (8 изобретений).

76. Афанасий Осипов Делига сылдьыбыта дуо? Хас сыллаахха?

77. Киһи үйэтигэр хас даҕаны мүһэл саас кэлэн ааһар. Ол ханныктарый?

78. Эбэҕэ баар биэс кыһыл бартыһааннар пааматынньыктарын хас сыллаахха саҥардан онорбуттарый? Кимнээх?

79. Дьокуускайга академикка аналлаах галерея хас сыллаахха арыллыбытай?

80. Суруктаах хайаҕа баар Сиинэ карьера хас сыллаахха тутуллубутай?

81. Академик Афанасий Осипов хас оҕолооҕуй? Ааттаталаа эрэ...

82. Бырааттыы Монголияҕа айар командировкаҕа хаста бара сылдьыбытай? Хас сыллардаахха?

83. Улууска 1996 с. ыытыллыбыт научнай-практическай конференцияҕа А.Н.Осипов ханнык дакылаатынан кыттыбытай? Дакылаатын аатын толору суруй.

84. “Сайыҥҥы куйааска эһэбит ыраах 3-4 биэрэстэлээх “______?______” диэн күөлгэ “бэс ыама” буолла диэн ааттаан собоҕо туулуу барар буолла”. Манна ханнык күөл туһунан этиллэрий?

85. “Он (А.Н.Осипов) воссоздает душу предков, душу природы” диэн ханнык бииргэ үөрэммит табаарыһын бу этиитэй?

86. Эргискэ табаарыһыныын, биллиилээх худуоһунньуктуун Лукинныын хас сыллаахха бара сылдьыбыттарай?

87. Академик Осипов саамай сөбүлүүр аһа...?

88. Академик Улуу сыһыыга хас сыллаахха уруһуйдуу бара сылдьыбытай, кимниин?

89. II Эргис нэһилиэгэ хас сыллаахха тэриллибитэй?

90. Академик Бөтөҕөстөөххө оҕо сааһынааҕы тапталлаах ытын аата?

91. Горнай улууһун гиэрбэтин айан оҥороругар тайах ойуутун ханнык хайаттан ылбытай?

92. Академик куоракка баар уһаайбатыгар бабаарына ураһаны ким тутуспутай? (даачатыгар).

93. “Биһиги аан дойдуга тахсыахпыт литературанан, искусствонан, бэйэбит талааннаах дьоннорбутунан”. Бу ханнык норуодунай суруйааччы кынаттаах этиитэй?

94. Сиинэҕэ баар Суруктаах хайаны аан бастаан ким чинчийбитэй? Хас сыллаахха?

95. Академик тапталлаах кэргэнин Зинаида Курчатова портретын хас сыллаахха оҥорбутай?

 

Биктэриинэ ыйытыктарын  хомуйан оҥордо:

НГУО чилиэнэ, СӨ үөрэхтээһинин үтүөлээх үлэһитэ

Суруналыыс, кыраайы чинчийээччи...

 

Владимир Прокопьевич Парфенов